| |
ප්‍රභාකරන් මැරීම වැරදියි : බින් ලාඩන් මැරීම හරිඑජා මානව හිමිකම් ප්‍රධානිගේ
දෙබිඩි පිළිවෙත හෙළිවෙයි
සමන් ගමගේ
ලොව දරුණුතම ත්‍රස්‌තවාදී නායකයන් දෙදෙනකු ලෙස හඳුන්වන වේලුපිල්ලේ ප්‍රභාකරන් සහ ඔසාමා බින් ලාඩන් ඝාතනය සම්බන්ධව එක්‌සත් ජාතීන්ගේ මානව හිමිකම් ප්‍රධානී නවනීදන් පිල්ලේ මහත්මිය අනුගමනය කළ ක්‍රියාමාර්ග මතබේදවලට ලක්‌ව තිබේ.
ප්‍රභාකරන් ඝාතනය කිරීමේදී ශ්‍රී ලංකාවට යුද අපරාධ චෝදනා එල්ල කළ ඇය බින් ලාඩන් ඝාතනය සම්බන්ධව ඇමෙරිකාවෙන් වාර්තාවක්‌ පමණක්‌ ඉල්ලා ඇත.
එහිදී ඇය ඉල්ලා ඇත්තේ ඔසාමා බින් ලාඩන් ඝාතනය කරනු ලැබුවේ ජාත්‍යන්තර නීතියට අනුවද යන්න පැහැදිලි කරන ලෙස පමණි. නවනීදන් පිල්ලේගේ එම ඉල්ලීමත් සමඟ ඔසාමා බින් ලාඩන් ඝාතනය කෙරුණේ නිරායුධව සිටියදී බව කියමින් ඇමරිකාව ඒ පිළිබඳ වාර්තාවක්‌ ඉදිරිපත් කළ යුතු බව පවසා ඇම්නෙස්‌ටි ඉන්ටර්නැෂනල් සංවිධානයද ප්‍රකාශයක්‌ කර තිබේ.
එක්‌සත් ජාතීන්ගේ මානව හිමිකම් ප්‍රධානී ඇමරිකාවෙන් මෙම ඉල්ලීම කර ඇත්තේ එහි මහ ලේකම් බෑන්කී මූන් මහතා ශ්‍රී ලංකාව සම්බන්ධයෙන් පත් කළ විද්වත් කමිටු වාර්තාව සාධාරණීකරණය කිරීමේ යටි අරමුණෙන් විය හැකි බව මේ පිළිබඳ අදහස්‌ දක්‌වන ජාත්‍යන්තර විචාරකයෝ සඳහන් කරති. |
|
No comments:
Post a Comment